Bakı Dövlət Universitetinin (BDU) İnformasiya və sənəd menecmenti fakültəsinin Sənəd menecmenti kafedrasının müdiri Nadir İsmayılov, fakültənin dosentləri Mehmanəli Məmmədov və Xuraman Ağayevanın dərs vəsaiti nəşr olunub.
Bu barədə AZƏRTAC-a BDU-dan bildirilib.
BDU Elmi şurasının qərarı ilə nəşr edilməsi tövsiyə olunan “Sənədşünaslıq” adlı kitabın ixtisas redaktoru professor Xəlil İsmayılov, rəyçiləri professor Almaz Ülvi, dosent Solmaz Sadıqova və tarix üzrə fəlsəfə doktoru Oruc Quliyevdir.
Kitabda kommunikasiya sistemində sənədlərin yeri, əhəmiyyəti, növləri və tipləri, sənəd axını, sənəd kütləsi, dərc edilən və dərc edilməyən sənədlər, nəşr anlayışı, sənədin xassə və funksiyaları, rekvizitləri, sənəd axınının inkişaf qanunauyğunluqları kimi məsələlər öz əksini tapıb.
Dərs vəsaiti kitabxanaçılıq və informasiya fəaliyyəti, muzey, arxiv işi və abidələrin qorunması ixtisasları üzrə təhsil alan tələbələr, gənc tədqiqatçılar və sahə mütəxəssisləri üçün nəzərdə tutulub.