Birləşmiş Ştatlar minerallar sazişini müzakirə etmək üçün gələn həftənin əvvəlində Kiyev səlahiyyətlilərindən texniki qrupun ABŞ-a gəlməsini gözləyir. Bu barədə ABŞ-ın maliyyə naziri Skott Bessent bəyan edib və ümid etdiyini bildirib ki, tərəflər sonda bu sənədi imzalaya biləcəklər.
“Gələn həftənin əvvəlində Ukraynadan texniki komanda gözləyirik və ümid edirik ki, onu imzalaya bilərik”, – deyə o, amerikalı jurnalist Taker Karlsonla müsahibəsində bildirib və əlavə edib ki, Vaşinqton mineral müqaviləni bütün tərəflər üçün faydalı hesab edir.
Minerallar sazişinin imzalanması fevralın 28-də Ağ Evdə Vladimir Zelenski ilə ABŞ prezidenti Donald Tramp arasında mübahisədən sonra pozulub. Martın 27-də Kiyev bildirib ki, Vaşinqtondan sənədin yeni versiyasını alıb və bu, əvvəlkindən qat-qat sərt olub. Yeni variant Kiyevi 120 milyard dollardan çox məbləğdə yardımı kompensasiya etməyə məcbur edir. Birləşmiş Ştatlar Ukraynanın bərpası üçün yaradılan investisiya fonduna nəzarəti ələ keçirəcək, o, Kiyevin gəlirlərindən lisenziya ödənişlərindən və faydalı qazıntıların hasilatından kirayə haqqından ayırmalar alacaq. O vaxtdan bəri Ukrayna hakimiyyəti dəfələrlə bəyan edib ki, onlar hələ də sazişlə bağlı mövqeləri üzərində işləyirlər və Zelenski Vaşinqtonun şərtləri dəyişməsindən şikayətlənib. Bununla belə, Tramp qeyd edib ki, Zelenski “sövdələşmədən uzaqlaşmağa” cəhd etsə, “böyük bəla ilə üzləşəcək”. (Tass)