ABŞ prezidenti Donald Tramp hesab edir ki, ticarət tarifləri Çin iqtisadiyyatına ABŞ-dan daha çox zərbə vurur. O, bu mövqeyini Truth Social-da dərc olunan nəşrdə açıqlayıb.
“Çin Birləşmiş Ştatlardan daha çox əziyyət çəkdi. Onlar və bir çox başqa ölkələr bizimlə qəbuledilməz dərəcədə pis rəftar etdilər” deyən Tramp ABŞ-ın əvvəlki iqtisadi siyasətini “axmaq və sərsəm” adlandırıb.
Eyni zamanda, Amerika liderinin sözlərinə görə, onun həyata keçirdiyi kurs ona ABŞ iqtisadiyyatına 5 trilyon dollar investisiya cəlb etməyə imkan verib. “Bu, iqtisadi inqilabdır və biz qalib gələcəyik. Möhkəm tutun, bu asan olmayacaq, lakin yekun nəticə tarixi olacaq”, – Ağ Evin sahibi iddia edib.
Bundan əvvəl Çin Xalq Respublikası Dövlət Şurasının Tarif Komissiyası bildirib ki, Çin Trampın tarif siyasətinə cavab olaraq ABŞ-dan idxal olunan məhsullara əlavə rüsumlar tətbiq edir. Departamentdən aydınlıq gətirilib ki, tariflər cari rüsumlara əlavə olaraq tətbiq edilir. (Tass)