Tbilisidə Kür çayına düşən 21 yaşlı Aytac Məmmədovanın axtarışları davam etdirilir.
Teleqraf-ın Gürcüstan bürosu xəbər verir ki, bu barədə yerli KİV məlumat yayıb.
Məlumatlara əsasən, Qardabanidən olan soydaşımız aprelin 1-də axşam saatlarında Tbilisidəki “Sülh körpüsü”ndən özünü çaya atıb. Körpüdə ona məxsus çanta və ayaqqabı aşkarlanıb.
Gürcüstanın Fövqəladə Halların İdarə Olunması Xidmətinin xilasediciləri A.Məmmədovanın axtarışlarını altıncı gündür davam etdirirlər. Axtarış-xilasetmə tədbirləri hələ nəticə verməyib.