Ağ Evin mətbuat katibi Caroline Leavitt ABŞ prezidenti Donald Trampın idxal tariflərində 90 günlük fasilə verməyi nəzərdən keçirməsi ilə bağlı yayılan xəbərləri yalan adlandırıb.
O, X-də “Saxta xəbərlər” yazıb.
Daha əvvəl CNBC xəbər vermişdi ki, Ağ Evin Milli İqtisadi Şurasının rəhbəri Kevin Hassett ABŞ administrasiyasının Çindən başqa bütün ölkələr üçün idxal tariflərinə 90 günlük fasilə verməyi nəzərdən keçirdiyini iddia edib.
Aprelin 2-də ABŞ prezidenti Donald Tramp 185 ölkə və ərazinin məhsullarına gömrük rüsumunun tətbiq ediləcəyini açıqlayıb. Rusiya bu siyahıda yoxdur. Çinə gəldikdə isə Amerika tarifləri 34% səviyyəsində müəyyən edilib. Buna cavab olaraq Çin hakimiyyəti aprelin 10-dan etibarən ABŞ-dan idxal edilən bütün məhsullara 34% əlavə rüsum tətbiq edəcəklərini açıqlayıb.
Bazar ertəsi Trump, Pekin ABŞ tariflərinə cavab tədbirlərindən geri çəkilməsə, aprelin 9-dan etibarən Çin mallarına 50% əlavə rüsumlar tətbiq edəcəyi ilə hədələyib. (Tass)