“Ənsar Allah” üsyançı hərəkatından olan yəmənli husilər İsrailin Təl-Əviv bölgəsindəki hərbi obyektini pilotsuz təyyarənin zərbəsi ilə məhv ediblər. Bu barədə husilərin yaratdığı silahlı qüvvələrin nümayəndəsi Yəhya Səriya bildirib.
“Yəmən silahlı qüvvələri pilotsuz uçan aparatdan istifadə edərək işğal olunmuş Yaffa bölgəsində İsrail hərbi obyektini məhv etmək üçün əməliyyat həyata keçirib”, – hərəkatın nümayəndəsi Husilərə məxsus Al Masirah telekanalının efirində bildirib.
“Yəmən donanması və hərbi hava qüvvələri birgə əməliyyat keçirərək, Qırmızı dənizdə Amerikanın iki esminesinə hücum edib. Zərbələrdə bir neçə qanadlı raket və pilotsuz təyyarələrdən istifadə edilib”, – hərəkatın sözçüsü bildirib. (Tass)