Pentaqon Ukraynadakı münaqişə də daxil olmaqla, ABŞ Xüsusi Əməliyyat Qüvvələrinin maraqlarına cavab verən məlumatları öyrənmək üçün Xüsusi Əməliyyatların Təhlili Mərkəzini (CSOA) yaradıb. Bunu ABŞ Xüsusi Əməliyyatlar Komandanlığının (SOCOM) rəhbəri general Brayan Fenton açıqlamasında deyib.
“Pentaqonun Xüsusi Əməliyyatlar və Aşağı İntensiyalı Münaqişələr İdarəsi təşkilatımızı adekvat inkişaf etdirmək üçün Xüsusi Əməliyyatların Təhlili Mərkəzini yaradıb”, – ABŞ Senatındakı dinləmələrdə hərbi liderin ifadəsindən əvvəl yayılan mətndə deyilir.
Qeyd olunur ki, sözügedən mərkəz “Rusiya və Ukrayna arasındakı müharibədən əldə edilmiş dərsləri nəzərə alaraq xüsusi əməliyyat qüvvələri üçün obyektiv modelləşdirmə, simulyasiya, təhlil və qiymətləndirməni əlaqələndirir, həyata keçirir və təmin edir”. (Tass)