Birləşmiş Ştatlar ümid edir ki, aprelin 12-də ABŞ liderinin xüsusi nümayəndəsi Stiven Vitkoff və İranın yüksək rütbəli nümayəndəsi arasında Omanda keçiriləcək görüş sülhə gətirib çıxaracaq. Bu barədə ABŞ dövlət katibi Marko Rubio prezident Donald Trampın kabinetinin iclasında bildirib.
Onun sözlərinə görə, bu, “vacib görüş” olacaq. Rubio, ABŞ-ın “İranın nüvə silahına malik olmaması lazım olduğunu açıq şəkildə ifadə etdiyini” qeyd edərək, “Uzun müddətdən sonra ilk dəfədir ki, xüsusi elçi Witkoff yüksək səviyyəli İran rəsmisi ilə birbaşa danışıqlar aparacaq. Ümid edirik ki, bu, sülhə gətirib çıxaracaq”. (Tass)