İsrailin baş naziri Benyamin Netanyahu yunanıstanlı həmkarı Kiriakos Mitsotakislə telefonla danışıb, İsrail baş nazirinin ofisi bildirib. Onlar Netanyahunun ABŞ-a səfərinin nəticələrini və ikitərəfli əməkdaşlığın gücləndirilməsini müzakirə ediblər.
“Baş nazir Benyamin Netanyahu bu gün Yunanıstanın baş naziri Kiriakos Mitsotakis ilə danışıb və ona Vaşinqtona səfəri barədə məlumat verib. İki lider regional vəziyyəti və İsrail və Yunanıstan arasında əməkdaşlığın gücləndirilməsi istiqamətində atılan addımları müzakirə ediblər”, – məlumatda deyilir.
Netanyahu aprelin 8-də Vaşinqtona səfər edib və Ağ Evdə ABŞ prezidenti Donald Tramp tərəfindən qəbul edilib. Bu, İsrail baş nazirinin son iki ayda Amerika paytaxtına ikinci səfəridir. İki lider arasında söhbətin əsas mövzularından biri ABŞ-ın idxal rüsumları ilə bağlı vəziyyət olub. Ağ Evdəki görüşdən sonra Netanyahu bildirib ki, İsrail ABŞ ilə bütün ticarət maneələrini minimuma endirmək və onlarla ticarət kəsirini sıfıra endirmək niyyətindədir.
10%-lik universal rüsumlar aprelin 5-də, fərdi rüsumlar isə aprelin 9-da qüvvəyə minir. Aprelin 1-də İsrail bütün qalan gömrük tariflərini ləğv edib. Netanyahu Trampla tarif vəziyyətini müzakirə edən ilk dünya lideri oldu. (Tass)