ABŞ və İran İranın nüvə proqramı ətrafında yaranmış vəziyyəti nizamlamaq üçün danışıqların növbəti mərhələsini Romada keçirəcək. Bu barədə Hollandiya Xarici İşlər Nazirliyinin rəhbəri Kaspar Veldkamp Aİ xarici işlər nazirlərinin Lüksemburqda planlaşdırılan görüşünə gələrkən bildirib.
Onun sözlərinə görə, Hollandiya hesab edir ki, İran nüvə silahına malik dövlətə çevrilməməlidir. “Yaxşı olardı ki, buna danışıqlar yolu ilə nail ola bilsək”, – Veldkamp jurnalistlərə vurğulayıb. “Hazırda bu danışıqlar gedir. Onlar şənbə günü də davam edəcək”.
Nazir əlavə edib ki, danışıqların Hollandiyada baş tutacağı ilə bağlı yayılan xəbərlər doğru deyil. “Hollandiyada olmayacaq, Romada olacaq” deyib. (Tass)