İsveçrə Dövlətlər Şurasının (parlamentin kiçik palatası) Xarici Əlaqələr Komitəsinin üzvləri Rusiyanın dondurulmuş aktivlərindən istifadə etməklə, hərbi əməliyyatlar nəticəsində Ukraynaya dəymiş zərərin ödənilməsi mexanizminin yaradılmasında ölkənin iştirakının lehinə çıxış ediblər. Bu barədə qanunverici orqanın saytında yerləşdirilən məlumatda deyilir.
“Komissiya Federal Şuranın Ukrayna üzrə təzminat komissiyasının yaradılması üzrə danışıqlarda iştirakla bağlı prioritetlərini müzakirə edib. Komitə bu mandatı səkkiz səsə qarşı bir səslə, bir bitərəf olmaqla təsdiqləyib”, – məlumatda deyilir.
Bu qərar daha əvvəl İsveçrə Milli Şurasının (parlamentin böyük palatası) analoji komissiyası tərəfindən dəstəklənib. İndi parlamentin hər iki palatasının üzvləri bu məsələyə səs verməli olacaqlar. İsveçrədə parlament komitələrinin qərarları məsləhət xarakteri daşıyır və parlament üzvləri onlara uyğun səs vermək məcburiyyətində deyillər. (Tass)