Qazaxıstan və Rusiya prezidentləri Qasım-Jomart Tokayev və Vladimir Putin telefon danışığı zamanı ikitərəfli əməkdaşlığın fəal inkişafını qeyd ediblər. Bu barədə respublika rəhbərinin mətbuat xidməti məlumat yayıb.
“Qazaxıstan-Rusiya çoxşaxəli əməkdaşlığının mütərəqqi inkişafını qeyd edən prezidentlər əvvəllər ən yüksək səviyyədə əldə olunmuş razılaşmaların icrasının gedişatını müzakirə ediblər”, – məlumatda deyilir.
Tokayev və Putin aktual beynəlxalq məsələlər ətrafında da fikir mübadiləsi aparıblar.
“Dövlət başçıları cari beynəlxalq problemlər ətrafında fikir mübadiləsi aparıb və qarşıdakı görüşlərin cədvəlini müzakirə ediblər”, – məlumatda deyilir.
Bildirilir ki, söhbət zamanı enerji sahəsində əməkdaşlığa xüsusi diqqət yetirilib. (Tass)