ABŞ prezidenti Donald Tramp əmindir ki, həm Rusiya, həm də Ukrayna silahlı münaqişəyə son qoymağa çalışır və Moskva sülh yolu ilə nizamlanmaya mane olmur. Amerika lideri Ağ Evin Oval kabinetində Norveçin baş naziri Jonas Qahr Støre ilə görüşünün protokol çəkilişi zamanı jurnalistlərin suallarını cavablandırarkən bunu təsdiqləyib.
“Rusiyanın Ukraynada “sülhə maneə” olub-olmaması ilə bağlı suala Tramp bu fikri rədd edib. “Mən belə düşünmürəm. Düşünürəm ki, hər iki tərəf indi sülh istəyir. Onlar nəsə etməyə hazırdırlar”, – Vaşinqton administrasiyasının rəhbəri vurğulayıb. “Nə olacağını görəcəyik. Bu, çətin, çox çətin məsələdir. Amma düşünürəm ki, hər iki tərəf razılaşma axtarır”, – Tramp təkrarlayıb. (Tass )