Pakistanın BMT-dəki daimi nümayəndəsi Asim İftixar Əhməd ölkəsinin öz suverenliyini müdafiə etməyə hazır olduğunu, lakin gərginliyi artırmaq niyyətində olmadığını bildirib. O, bu barədə BMT-nin Nyu-Yorkdakı mənzil-qərargahında jurnalistlər üçün keçirdiyi brifinqdə bildirib.
“Mən vurğulayıram: Pakistan eskalasiyaya can atmır. Bu, bütün səviyyələrdə siyasi rəhbərliyimizin aydın mövqeyidir. Eyni zamanda, biz suverenliyimizi və ərazi bütövlüyümüzü müdafiə etməyə tam hazırıq”, – diplomat Hindistanla bağlı yaranmış gərgin vəziyyətlə bağlı bildirib. (Tass)