“Report” xəbər verir ki, bunu Azərbaycan Prezidenti yanında Ali Attestasiya Komissiyasının rəsmisi Mübariz Məmmədli Azərbaycan Qiymətləndiricilər Cəmiyyətinin (AQC) VIII hesabat-seçki konfransında deyib.

Onun sözlərinə görə, xüsusilə AQC kimi ictimai birliklər ölkə üçün mühüm əhəmiyyətə malikdir: “Onlar vətəndaş cəmiyyətinin formalaşmasında çox mühüm rol oynayırlar. Eyni zamanda, qarşılarında duran əsas ictimai vəzifələrin icrasında mühüm əhəmiyyətə malikdirlər”.

M.Məmmədli qeyd edib ki, AQC-nin Azərbaycan cəmiyyətinin inkişafında əhəmiyyəti var: “Daşınmaz əmlakın inkişafı və idarəedilməsində qiymətləndirilmə mühüm bir sahədir. Məsələn, işğaldan azad olunmuş ərazilərin bərpası zamanı tikintilərin planlamasında xüsusilə vacib rol oynayır. Digər tərəfdən risklərin müəyyən olunması, qiymətlərin gələcək inkişafı, kadastrların aparılmasında əhəmiyyətlidir. AQC bu sahədə həm qiymətləndirmənin metodikasının işlənib hazırlanmasında, həm davranış etikasının müəyyən edilməsində, qiymətləndirmənin həyata keçirilməsinin elmi metodik əsasının hazırlanmasında çox mühüm rola və əhəmiyyətə malikdir”.