Türkiyə İsrailin baş naziri Binyamin Netanyahunun təyyarəsinin Azərbaycana uçması üçün öz hava məkanını təmin etməyib. Bunu jurnalistlərə Türkiyə Xarici İşlər Nazirliyinin rəsmi nümayəndəsi Öncü Kecəli deyib.
“İsrail baş nazirinin təyyarəsinə uçuş icazəsi verilməsi ilə bağlı iddialar tamamilə doğru deyil. Bu məsələ ilə bağlı bizə heç bir müraciət daxil olmayıb”, – diplomat bildirib.
Türkiyə Prezident Administrasiyası yanında Dezinformasiya ilə Mübarizə Mərkəzi də öz növbəsində respublikanın Netanyahunun təyyarəsinə öz hava məkanından istifadə etməyə icazə vermədiyini bəyan edib. “Sosial şəbəkələrdə Türkiyənin Netanyahunun təyyarəsi üçün öz hava məkanını açması ilə bağlı yayılan iddia doğru deyil. İsrailin baş naziri Binyamin Netanyahunun mayın 7-də Azərbaycana səfəri üçün Türkiyə hava məkanının açılmasından söhbət gedə bilməz”, – mərkəzin açıqlamasında deyilir.
Mərkəz həmçinin xatırladıb ki, “İsrailin Qəzza zolağına qarşı soyqırım siyasəti ilə əlaqədar Türkiyə hava məkanını İsrail təyyarələri üçün bağlayıb”. (Tass)