Ulu Öndərin anadan olmasının 102-ci ildönümü münasibətilə Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzi “Heydər Əliyev və Azərbaycan mədəniyyəti” mövzusunda elmi-praktiki seminar keçirəcək.
Mərkəzdən AZƏRTAC-a bildirilib ki, Azərbaycan Bəstəkarlar İttifaqı ilə birgə təşkil olunacaq elmi seminar mayın 7-də ittifaqın Üzeyir Hacıbəyli adına konsert zalında təşkil olunacaq.
Seminarda Ulu Öndərin musiqi, kino, təsviri incəsənət, ədəbiyyat və bu kimi sahələrə göstərdiyi qayğı və diqqətdən bəhs olunacaq. Tədbirdə iştirak edən elm və incəsənət xadimləri mövzularla bağlı öz tədqiqatlarını, düşüncə və xatirələrini bölüşəcəklər. Eyni zamanda, Heydər Əliyevin sevdiyi musiqi əsərlərindən də nümunələr səslənəcək.