Yəmənin Ənsar Allah üsyançı hərəkatından olan husilər İsrail ordusu Qəzza zolağında əməliyyatı dayandırana qədər İsrail ərazisinə zərbələr endirmək niyyətindədir. Bu barədə Yəmən üsyançılarının yaratdığı hökumətin bəyanatında deyilir.
Üsyançıların nəzarətində olan Al Masirah telekanalı husilərin sözlərindən sitat gətirib: “Biz İsrail düşməninin Qəzza zolağında soyqırım törətməsinə sadəcə baxa bilmərik və ümmətimizin ləyaqətinin tapdalanmasına göz yuma bilmərik”.
“Silahlı qüvvələrin əməliyyatları davam edəcək, Yəmənin Fələstinə dəstəyi təcavüz dayandırılıncaya və Qəzzada blokada götürülənə qədər dayanmayacaq”, – Ənsar Allah hökuməti qeyd edib. (Tass)