Qusar Dövlət Ləzgi Dram Teatrında Qırğızıstanın Xalq yazıçısı Çingiz Aytmatovun “Cəmilə” povesti əsasında hazırlanan tamaşanın premyerası keçirilib.
AZƏRTAC-ın bölgə müxbiri xəbər verir ki, tamaşanın quruluşçu rejissoru Əməkdar mədəniyyət işçisi Faiq Qardaşov, quruluşçu rəssamı Marina Mahmudova, musiqi tərtibatçısı isə Fərəh Pirməmmədovadır.
“Cəmilə” əsəri qırğız yazıçı Çingiz Aytmatovun, doğulub boya-başa çatdığı Talas vadisinin tarixi xüsusiyyətlərini və mədəniyyətini özündə əks etdirir. Tamaşada cərəyan edən hadisələr İkinci Dünya müharibəsi illərini əhatə edir.