Misir prezidenti Əbdülfəttah əs-Sisi rusiyalı həmkarı Vladimir Putinlə Qəzza zolağı da daxil olmaqla Yaxın Şərqdəki vəziyyəti müzakirə edib. Əl-Sisinin ofisi bildirib ki, iki ölkə liderləri regionda vəziyyətin sabitləşdirilməsinin vacibliyi ilə bağlı razılığa gəliblər.
“Prezidentlər beynəlxalq və regional səviyyələrdə baş verən son hadisələri də müzakirə ediblər və Yaxın Şərqdə, xüsusən də Qəzza zolağında vəziyyətin sabitləşdirilməsinin vacibliyini vurğulayıblar. Dövlət başçıları hesab edirlər ki, bütün regionda eskalasiyanın dərəcəsinin azaldılması üzərində işləmək lazımdır”, – Sisi və Putin arasında Moskvada keçirilən danışıqların yekunları üzrə dərc edilən bəyanatda deyilir. (Tass)