Azərbaycan NATO ilə əməkdaşlıq təcrübəsini yeddi ölkənin nümayəndələri ilə bölüşüb.
“Report” Azərbaycanın NATO-dakı nümayəndəliyinin “X” sosial şəbəkəsindəki paylaşımına istinadən xəbər verir ki, Azərbaycan tərəfi NATO-nun tanışlıq proqramının bir qrup iştirakçısını qəbul edib.
“Bosniya və Herseqovina, Kolumbiya, İordaniya, Pakistan, Qətər, Serbiya və Özbəkistan nümayəndə heyətləri Azərbaycanın NATO yanında nümayəndəliyində olub. Nümayəndəliyin rəhbəri Cəfər Hüseynzadə təqdimatla çıxış edib və Azərbaycanın NATO ilə tərəfdaşlığın praktiki aspektləri üzrə təcrübəsini bölüşüb”, – məlumatda bildirilib.