Birləşmiş Millətlər Təşkilatı Ukraynada mümkün atəşkəs və Moskva ilə Kiyev arasında potensial birbaşa danışıqlara dair təşəbbüsləri alqışlayıb. Bu barədə BMT baş katibinin rəsmi nümayəndəsi Stefan Düjarrik bildirib.
“Biz hələ də nələrin baş verə biləcəyi ilə bağlı daha çox təfərrüat əldə etməyə çalışırıq, lakin deyə bilərəm ki, Ukraynada 30 günlük atəşkəs və Rusiya Federasiyası ilə Ukrayna arasında potensial birbaşa danışıqları təşviq edən son təşəbbüslər, şübhəsiz ki, bizi ruhlandırır”, o vurğulayıb. (Tass)