Macarıstanın xarici işlər naziri Peter Szijarto Ukrayna münaqişəsinin həlli üzrə mayın 15-də İstanbulda hazırlanan danışıqların uğurla nəticələnəcəyinə ümid etdiyini bildirib və Avropa İttifaqını onların aparılmasına mane olmamağa çağırıb.
“Türkiyədə Rusiya-Ukrayna danışıqları uğurlu olarsa, bu həftə bütün dünya üçün gözəl həftə ola bilər. Nəhayət, hamı sülhün tərəfdarıdır və həqiqətən ümid edirəm ki, avropalı həmkarlarımız sülh danışıqlarının uğuruna mane olacaq addımlar atmayacaqlar”, – XİN rəhbəri Facebook-da yazıb.
Rusiya prezidenti Vladimir Putin mayın 11-nə keçən gecə Kremldə jurnalistlərə açıqlamasında Kiyev hakimiyyətinə 2022-ci ildə kəsdiyi birbaşa danışıqları ilkin şərt olmadan bərpa etməyi təklif edib. Dialoqun mayın 15-də İstanbulda başlaması təklif edilir.
Öz növbəsində Vladimir Zelenski cümə axşamı İstanbula gəlmək niyyətini açıqlayıb. Bu bəyanat ABŞ prezidenti Donald Trampın Ukraynanı Putinin təklif etdiyi danışıqlara dərhal razılaşmağa çağırmasından sonra verilib. Bundan əvvəl Zelenski Moskva ilə danışıqları 30 günlük atəşkəsin tətbiqi ilə şərtləndirmişdi və bu, Aİ-nin aparıcı ölkələri tərəfindən də dəstəkləndi. (Tass)