Rusiya, ABŞ və nüvə silahına malik olan Avropa ölkələri strateji təhlükəsizliyin formalaşdırılması üçün hələ də ciddi səylər göstərməlidirlər. Bunu Rusiya prezidentinin mətbuat katibi Dmitri Peskov deyib.
“Ümumiyyətlə, əlbəttə ki, Avropada strateji təhlükəsizlik arxitekturasının formalaşdırılması üçün ilk növbədə Rusiya Federasiyası, Amerika Birləşmiş Ştatları və nüvə silahına malik Avropa ölkələrini hələ də qarşıda mühüm səylər gözləyir”, – Kremlin sözçüsü Fransa prezidenti Emmanuel Makronun Fransanın digər Avropa ölkələri ilə nüvə silahlarının yerləşdirilməsi məsələsini müzakirə etməyə hazır olması barədə bəyanatı ilə bağlı jurnalistlərin sualını cavablandırarkən deyib. (Tass)