Donald Trampın nümayəndə heyətinin tərkibində Dohaya gələn ABŞ prezidentinin xüsusi nümayəndəsi Stiven Vitkoff Fələstinin radikal HƏMAS hərəkatı tərəfindən Qəzza zolağında saxlanılan israilli girovların ailələri ilə görüşüb. Bu barədə “Əl-Cəzirə” telekanalı mənbəyə istinadən məlumat yayıb.
“Trampın xüsusi nümayəndəsi Steven Witkoff, Qətər rəsmiləri və girovların ailələri arasında görüş baş tutub”, – telekanalın mənbəsi bildirib. Görüş 2,5 saat davam edib, Əl-Cəzirə mənbəsi aydınlıq gətirib. Onun sözlərinə görə, Qəzza zolağından bir müddət əvvəl azad edilmiş israilli girov, həm də ABŞ vətəndaşlığı olan İdan Aleksandr səhhəti ilə əlaqədar Dohaya gələ bilməyib.
Tramp Körfəz ərəb ölkələrinə səfəri çərçivəsində çərşənbə günü Qətərə dövlət səfərinə gəlib. O, 20 ildən artıq müddətdə əmirliyə səfər edən ilk ABŞ prezidenti oldu.