Ukrayna Nazirlər Kabineti Rusiya ilə gömrük sahəsində əməkdaşlıq və qarşılıqlı yardım haqqında hökumətlərarası sazişə xitam verib. Bu barədə hökumətin Ali Radadakı nümayəndəsi Taras Melnıçuk məlumat verib.
“Ukrayna hökuməti ilə Rusiya Federasiyası hökuməti arasında gömrük məsələlərində əməkdaşlıq və qarşılıqlı yardım haqqında saziş ləğv edilib”, o, Telegram-kanalında yazıb. Sənəd 1993-cü il iyunun 24-də Kiyevdə imzalanıb.
Bundan əlavə, Ukrayna hökuməti 1998-ci il noyabrın 25-dən MDB iştirakçısı olan dövlətlərin prokurorluq orqanlarında və müəssisələrində ümumi iş stajı ilə əmək stajının qarşılıqlı əvəzləşdirilməsi haqqında sazişdən çıxmağı nəzərdə tutan qanun layihəsini təsdiqləyib.
Ukrayna hakimiyyəti mütəmadi olaraq Rusiya, Belarusiya və MDB çərçivəsində bağlanmış müqavilələrdən çıxdığını elan edir. (Tass)