Ermənistan Rusiya ilə strateji münasibətləri bərpa etməli və İranla strateji tərəfdaşlıq qurmalıdır, bu barədə respublikanın keçmiş prezidenti (2008-2018) müxalifət blokunun “Ermənistan” lideri Robert Köçəryan bir sıra yerli KİV-lərlə keçirdiyi mətbuat konfransında bildirib.
“Rusiya ilə strateji tərəfdaşlığı bərpa etmək və İran amilini də daxil etmək lazımdır. Ermənistan-Rusiya münasibətlərinə İran komponenti də əlavə olunmalı, üçtərəfli formata çevrilməlidir”, – o qeyd edib. Keçmiş prezident Ermənistan-Rusiya münasibətlərinin gərginliyində baş nazir Nikol Paşinyan administrasiyasını günahlandırıb.
Köçəryan onu da qeyd edib ki, onun hakimiyyətə gəlib Ermənistanı Rusiya və Belarusla İttifaq dövlətinə üzv etmək istəməsi ilə bağlı ittihamlar əsassızdır. “Mən prezident olduğum müddətdə nə prezident Yeltsin, nə prezident Putin, nə də prezident Lukaşenko mənə bu sualla müraciət etməyiblər. Mən hələ də bilmirəm ki, biz bu sualla onlara müraciət etsəydik, ilkin şərtlər nə olardı”, – o əlavə edib. (Tass)