Dörd ayda Azərbaycana 420 min tona yaxın buğda idxal edilib

2025-ci ilin yanvar-aprel ayları ərzində Azərbaycana 90 milyon 535 min ABŞ dolları dəyərində 419 min 105 ton buğda idxal edilib.

“APA-Economics”in Dövlət Gömrük Komitəsinin hesabatı əsasında apardığı hesablamalara görə, 2024-cü ilin müvafiq dövrü ilə müqayisədə buğda idxalı həcm baxımından 57.2% və ya 152 min 496 ton, məbləğ baxımından isə 51.7% və ya 30.8 milyon dollar çoxdur. Ötən ilin ilk 4 ayında Azərbaycana 59 milyon 697.6 min ABŞ dolları dəyərində 266 min 609 ton buğda idxal edilmişdi.

Hesabat dövründə buğda idxalı Azərbaycanın ümumi idxalının 1.11%-nə bərabər olub.

Qeyd edək ki, bu dövründə idxal edilmiş buğdanın 1 tonunun orta qiyməti, əvvəlki ilin müvafiq dövrü ilə müqayisədə 3.5% azalaraq 367.2 manat təşkil edib.

Dörd ayda Azərbaycana 420 min tona yaxın buğda idxal edilib

Neft və kimya sahəsində yeni dövlət standartları qəbul edilib

Azərbaycan XİN Kamerunu Milli Günü münasibətilə təbrik edib