ABŞ prezidenti Donald Tramp sələfi Co Baydenin Meksika ilə sərhəddən çoxlu sayda miqrantın ölkəyə daxil olmasına icazə verən sənədlərin özünün imzalayıb-imzalamadığını şübhə altına alıb.
Trampın sözlərinə görə, onun administrasiyasının nümayəndələri “qanunun necə qəbul edildiyini hərtərəfli nəzərdən keçirməyə başlayırlar”, bunun təsiri, Amerika liderinin fikrincə, faktiki olaraq ABŞ-da “açıq sərhədlər” siyasətinin qurulmasına gətirib çıxarıb. “Mən onun [Baydenin] bundan xəbəri olduğunu düşünmürəm. Düşünmürəm ki, kimsə açıq sərhədlər istəməz. İndi isə məlum olur ki, o, o deyil. İmza avtomatik qələm (imzanı təkrarlayan avtomatik cihaz ) tərəfindən qoyulub”, – Tramp Capitol Hilldə jurnalistlərlə söhbəti zamanı iddia edib.
“Qələmi kim idarə edirdi? Bu, çox ciddidir, heç nəyə imza atmayan bir prezidentimiz var idi” deyən Tramp əvvəlki administrasiyanın siyasətinin ABŞ-a “bütün dünyadan cinayətkarların” gəlməsinə səbəb olduğu fikrini ifadə edib.
“Ağılı başında heç kim buna imza atmaz” dedi. “Co Bayden yaxşı olanda, o, heç vaxt bunu imzalamazdı. O, heç vaxt sərhədləri açmazdı” deyə Tramp yekunlaşdırıb. (Tass)