Rusiya prezidentinin mətbuat katibi Dmitri Peskov jurnalistlərə bildirib ki, Moskvanın atəşkəs üçün şərtlərinin siyahısı ayrıca hazırlanacaq.
Mümkün atəşkəs planının ayrıca sənəd kimi tərtib edilib-edilməyəcəyini, yoxsa gələcək sülh müqaviləsi ilə bağlı memorandumda əksini tapacağına aydınlıq gətirilməsi ilə bağlı sorğuya cavab verən Kremlin sözçüsü, “İndi burada sizə dəqiq məlumat verməyəcəyəm. Təbii ki, atəşkəs üçün şərtlərin ayrıca siyahısı olacaq. Bu, İstanbulda razılaşdırılıb” deyib. (Tass)