Rumıniya özünün rekord büdcə kəsirini azaltsa belə, müdafiə xərclərini artırmağa və NATO-nun yeni məqsədlərinə çatmağa hazırdır. Bu barədə ölkənin seçilmiş prezidenti Nikuşor Dan Britaniyanın “Financial Times” qəzetinə müsahibəsində bildirib.
“Bəli, mən bunu dəstəkləyirəm” deyən Den müdafiə xərclərinin artırılmasının vaxtının hələ ABŞ və digər müttəfiqlərlə müzakirə edilmədiyini qeyd edib. “Biz Ukraynanı dəstəkləmək üçün ümumavropa səylərinin bir hissəsi olaraq qalırıq <…> Bu o deməkdir ki, biz ona yardım göstərməyə davam edəcəyik və təhlükəsizliyinin təmin edilməsində iştirak edəcəyik”.
g4media.ro xəbər verir ki, 2024-cü ildə Rumıniya 9,3% ilə Avropa İttifaqında ən yüksək büdcə kəsirini qeydə alıb. Rumıniya öz kəsirini keçən il 9,3%-dən bu il 7%-ə endirmək üçün fiskal konsolidasiya planı hazırlayıb. Lakin ilin əvvəlindən əldə edilən məlumatlar göstərir ki, iqtisadiyyat durğunlaşarkən kəsir yüksək olaraq qalır.
NATO-nun baş katibi Mark Rutte müdafiə xərclərini ÜDM-in 5%-ə çatdırmağı təklif edir. Ehtimal olunur ki, 3,5 faiz birbaşa hərbi xərclərə, qalan 1,5 faiz isə müharibə dövründə istifadə oluna biləcək infrastruktur obyektlərinin tikintisinə yönəldiləcək. (Tass)