İranın xarici işlər naziri Abbas Əraqçi deyib ki, ölkəsinin nüvə proqramı ilə bağlı Birgə Hərtərəfli Fəaliyyət Planı (JCPOA) bərpa edilə bilməz.
“JCPOA hələ ölməyib, lakin onu bərpa etmək mümkün deyil. Onu unutmaq lazımdır”, – XİN rəhbəri SNN telekanalında bildirib.
O, həmçinin qeyd edib ki, JCPOA-nın sanksiyalarla bağlı bəzi aspektlərinə yenidən baxılmalıdır. Bundan əlavə, ABŞ-la danışıqların yeni mərhələsini şərh edən Əraqçi vurğulayıb ki, Vaşinqton uranın zənginləşdirilməsini tamamilə dayandırmaqda israr etməyə davam edərsə, “heç bir razılıq əldə edilməyəcək”.