Bunu APA-ya açıqlamasında Milli Məclisin İnsan hüquqları komitəsinin sədri, Azərbaycan Respublikasının Prezidenti yanında Əfv Məsələləri Komissiyasının üzvü Zahid Oruc bildirir.
Əfv sərəncamının müstəsna əhəmiyyəti
Zahid Oruc qeyd edib ki, indiyədək 70-dək əfv sərəncamı imzalanıb, son əfv sərəncamı da müstəsna əhəmiyyət kəsb edir: “İndiyədək əfv sərəncamları ilə azadlığa çıxmış 9 min nəfərə yaxın şəxsin heç biri növbəti dəfə cinayət törətməyib. Prezidentin addımı insanlar tərəfindən düzgün qiymətləndirilib. Onlar bunu özlərinə, ailələrinə olan münasibət kimi hesab edib. Bunun üçün də təkrar cinayətə yol verməyiblər. Eyni zamanda ötən dövrdə qəbul edilən amnistiya aktları da nəzər alınsa, birmənalı deyə bilərik ki, deyə bilərik ki, Azərbaycan humanist dövlətdir”.
Milli həmrəyliyi gücləndirən addım
Onun sözlərinə görə, Komissiya son 3 ay yarım ərzində 7 iclas keçirib, saatlarla müzakirə aparılıb: “Bu Sərəncamın qərəzli, müəyyən siyasi mövqedən qiymətləndirilməsi yolverilməzdir, buna qarşı kampaniyalar təşkil edilməsinin heç bir əsası yoxdur. Məhkumlar bir-birindən hüquqlarına görə fərqlənmirlər. Qələbəmizin 5 illiyi dönəmində milli həmrəyli gücləndirən addım kimi bu insanların hər biri Prezidentə dua edirlər, Azərbaycan dövlətinin bu xeyirxah addımını yüksək qiymətləndirilər. Bu sərəncamların icrası zamanı penitensiar müəssisələrdə də bunun şahid oluruq. Hər bir insanın həyatında səhvlər olur, qanunsuz əməllər törədə bilər. Ən başlıcası orada islah olunmaqla çıxmaq, cəmiyyətə tam hüquqlu vətəndaş kimi dönməkdir. Biz bu addımın da mühüm əhəmiyyətini belə qiymətləndiririk”.