Dövlət Departamentinin sözçüsü Tammy Bruce bildirib ki, ABŞ prezidenti Donald Trampın Rusiya ilə bağlı son açıqlamaları məyusluq kimi qəbul edilməməlidir.
“Mən bunu məyusluq adlandırmazdım” deyib o, jurnalistlər üçün keçirilən müntəzəm brifinqdə. “Bu, bir çox müxtəlif bölgələrdə sülh səylərinə rəhbərlik edən bir adamın bəyanatıdır. Tramp baş verənlərlə bağlı fikirlərini çox aydın və şəffaf edir”, – Bruce deyib.
Ona sual verdilər ki, Amerika prezidentinin bəyanatlarından sonra ABŞ-ın Rusiyaya münasibətdə siyasətinə təcili düzəliş gözləmək lazımdırmı? “Prezidentin ixtiyarında çoxlu müxtəlif vasitələr var ki, bizim mövqeyimiz nəzərə alınsın” deyə Bruce cavab verib və əlavə edib ki, bu vasitələr vəziyyətə “təsir göstərmək” üçün istifadə edilə bilər.
Bundan əvvəl Tramp “Truth Social” sosial şəbəkəsindəki səhifəsində Rusiyanın Ukrayna ətrafında yaranmış vəziyyətdə odla oynaması ilə bağlı fikirlərini bildirib. Rusiya Təhlükəsizlik Şurasının sədr müavini Dmitri Medvedev Trampın sözlərinə cavab olaraq bəyan edib ki, həqiqətən pis olan üçüncü dünya müharibəsidir və ABŞ prezidenti bunu başa düşməlidir. (Tass)