ABŞ tezliklə İsrailə və Fələstinin radikal HƏMAS hərəkatına Qəzza zolağında atəşkəs üçün şərtlərin siyahısını göndərməyi planlaşdırır. Bu barədə ABŞ prezidentinin xüsusi nümayəndəsi Stiven Vitkoff Ağ Evdə jurnalistlərə bildirib.
“İnanıram ki, biz yeni şərtlər siyahısını göndərmək ərəfəsindəyik, ümid edirəm ki, bu siyahı bu gün təqdim olunacaq. Prezident ABŞ Donald Tramp onu nəzərdən keçirəcək” deyib.
“Və mən bu münaqişənin uzunmüddətli nizamlanması, müvəqqəti atəşkəs və sülh yolu ilə həllinə nail olmaq barədə çox yaxşı hiss edirəm”, – Witkoff əlavə edib. ((Tass)