BMT Təhlükəsizlik Şurası böhranla üz-üzədir və dünya problemlərini həll etmək üçün güc və iradəyə malik deyil. Bunu Qazaxıstan Prezidenti Kasım-Jomart Tokayev deyib.
“Bu, həqiqətən də baş verir, çoxtərəflilik sistemi zəifləyir. BMT Təhlükəsizlik Şurası ciddi böhranla üz-üzədir: onun əsas beynəlxalq problemləri həll etmək üçün həm gücü, həm də iradəsi yoxdur”, – o, Qətərin Əl-Cəzirə televiziya kanalına müsahibəsində deyib.
Tokayev bunun ciddi çağırış olduğunu qeyd edib və beynəlxalq problemlərin həllində orta güclərin daha mühüm rol oynaması barədə fikir bildirib. “Qazaxıstan Birləşmiş Millətlər Təşkilatının islahatlarını qətiyyətlə dəstəkləyir. Təşkilat ilk yarananda onun tərkibinə 51 dövlət daxil idi. Bunlar BMT-nin yaradıcı ölkələri idi. İndi təşkilatın artıq 193 üzvü var”, – prezident deyib. (Tass)