Beynəlxalq Atom Enerjisi Agentliyinin (MAQATE) İranın nüvə proqramı ilə bağlı son hesabatı qərəzsizdir və yerlərdə müfəttişlərin məlumatlarına əsaslanır. Bunu MAQATE-nin baş direktoru Rafael Qrossi Qahirədə Misirin xarici işlər naziri Bədr Əbdül Ata ilə birgə mətbuat konfransı zamanı deyib.
“Bizim hazırladığımız hesabat qərəzsizdir və reallığı olduğu kimi əks etdirir, biz siyasətlə məşğul olan tərəf deyilik. Agentliyin hesabatları yerlərdə müşahidəçilərimizdən alınan məlumatlara əsaslanır”, – Qrossi vurğulayıb, mətbuat konfransı Misirin Əl-Qahirə əl-İxbariyyə telekanalı tərəfindən yayımlanıb . MAQATE-nin baş direktoru onu da qeyd edib ki, əgər agentlik İranda işləyən ekspertlərin məlumatlarına şübhə edirsə, MAQATE rəhbərliyi onlardan aydınlıq tələb edir və lazım gələrsə, əvvəllər verilmiş məlumatların yoxlanılmasını xahiş edir. Qrossi qeyd edib ki, agentlik bütün tərəflərin tənqidi şərhlərini dinləməyə və müşahidələrinin nəticələrini onlarla müzakirə etməyə hazırdır. (Tass)