Almaniya kansleri Fridrix Merz ABŞ prezidenti Donald Trampla Ukraynadakı münaqişənin həlli üçün birgə səyləri müzakirə etmək niyyətində olduğunu bildirib.
Merz Vaşinqtonda alman jurnalistlərə deyib: “Biz Ukraynanı və gələcək hadisələri müzakirə etməliyik. Eşitdiniz ki, o (Tramp) dünən [Rusiya prezidenti Vladimir] Putinlə uzun telefon danışığı olub, lakin bu, heç bir konkret nəticə vermədi”. Onun sözlərini Almaniya hökumətinin mətbuat xidməti sitat gətirib. “Biz bu müharibəyə son qoymaq üçün birgə səylərimizi bundan sonra da davam etdirməyi müzakirə etməliyik”, – kansler qeyd edib.
Merz Trampla danışıqlarda qaldırılacaq digər mövzular arasında NATO-nun gücləndirilməsinin də adını çəkib. Eyni zamanda o, Almaniyanın “Avropanın ən güclü nizami ordusunu əldə etməyə” çalışdığını bəyan edib. Kanslerin sözlərinə görə, bu, Almaniyanın Aİ-də ən çox əhalisi olan ölkə olması ilə bağlıdır və iqtisadi inkişaf bunu etməyə imkan verir. Bundan əlavə, o, Almaniyanın “Avropanın geostrateji mərkəzində” olmasına diqqət çəkib.
Merz və Tramp ilk dəfə iyunun 5-də Ağ Evdə görüşəcəklər. (Tass)