Rusiya münaqişəsinin bütün Yaxın Şərq üçün zərərli nəticələrinin qarşısını almaq üçün həm İran, həm də İsraillə sıx əlaqələri davam etdirəcək. Bu barədə Kremlin mətbuat xidməti Rusiya prezidenti Vladimir Putin, İran prezidenti Məsud Pezeşkian və İsrailin baş naziri Binyamin Netanyahunun söhbətindən sonra bildirib.
“Rusiya tərəfi bütün region üçün ən fəlakətli nəticələrlə dolu olan hazırkı vəziyyətin həllinə yönəlmiş həm İran, həm də İsrail rəhbərliyi ilə sıx təmasları davam etdirəcək”, – Kremlin bəyanatında deyilir.
Putin İran prezidenti Məsud Pezeşkian və İsrailin baş naziri Binyamin Netanyahu ilə telefon danışığı aparıb.
“İsrailin İrana qarşı hərbi əməliyyatı nəticəsində vəziyyətin təhlükəli gərginləşməsi fonunda Rusiya prezidenti Vladimir Putin İran İslam Respublikasının Prezidenti Məsud Pezeşkian və İsrail Dövlətinin Baş naziri Benyamin Netanyahu ilə telefon danışığı aparıb”, – deyə məlumatda bildirilir.
“Vladimir Putin vurğulayıb ki, Rusiya İsrailin BMT Nizamnaməsinə və beynəlxalq hüquqa zidd hərəkətlərini pisləyir”, – deyə Kreml məlumat yayıb. (Tass)