İsrail komandası ölkədən uça bilmədiyi üçün bədii gimnastika üzrə gənclər arasında dünya çempionatında iştirak etməyəcək. Bu barədə İsrail Gimnastika Federasiyasının mətbuat xidməti məlumat yayıb.
İsrail üzərindəki hava məkanı iyunun 13-dən növbəti bildirişə qədər bağlanıb.
“Böyük kədər və təəssüf hissi ilə bildiririk ki, İsrail komandası gənclər arasında dünya çempionatına getməyəcək”, – bəyanatda deyilir. “Nümayəndə heyətinin gedişi səmanın bağlanması ilə əlaqədar ləğv edilməli oldu. Alisa Rosenberg, Sofia Gandlin və Rebecca Miller İsraili şərəflə təmsil etməli olan üç gimnastdır. Onlar uzun hazırlıq və bu an üçün böyük intizara baxmayaraq vətənlərində qalacaqlar”.
İyunun 18-dən 23-dək Bolqarıstanda bədii gimnastika üzrə yeniyetmələr arasında dünya çempionatı keçiriləcək. (Tass)