Almaniya hökuməti Rusiya prezidenti Vladimir Putinin kansler Fridrix Merzlə əlaqə saxlamağa hazır olması barədə sözlərini nəzərə alıb. Bu barədə TASS-ın müxbirinə Almaniya Nazirlər Kabinetinin nümayəndəsi bildirib.
“Biz Putinin bəyanatlarını nəzərə almışıq”, – Almaniya hökuməti qeyd edib.
Bundan əvvəl TASS-ın Sankt-Peterburqda dünyanın aparıcı xəbər agentliklərinin rəhbərləri ilə təşkil etdiyi görüşdə Putin Rusiyanın Almaniya ilə təmaslardan imtina etmədiyini və kansler Merz istəsə, əməkdaşlığa hazır olduğunu vurğulamışdı.
İnformasiya agentliklərinin rəhbərləri ilə görüş Sankt-Peterburq Beynəlxalq İqtisadi Forumu (SPIEF) çərçivəsində baş tutub. (Tass)