Yaxın Şərqdə münaqişənin kəskinləşməsi qlobal təhlükəsizliyə təsir edir. Bunu Rusiya prezidenti Vladimir Putinlə telefon danışığı zamanı Çin sədri Si Cinpin deyib.
“Yaxın Şərq qeyri-sabitdirsə, bütün dünya təhlükəsiz deyil” deyə Çin Mərkəzi Televiziyası Si Cinpindən sitat gətirir . “İsrail-İran münaqişəsi regionda gərginliyin qəfil artmasına səbəb olub və qlobal təhlükəsizliyə ciddi təsir edib”.
Onun sözlərinə görə, beynəlxalq ictimaiyyət, xüsusən də münaqişə tərəflərinə xüsusi təsir göstərən böyük dövlətlər gərginliyin azaldılması üçün səy göstərməlidirlər. Çin lideri əlavə edib ki, BMT Təhlükəsizlik Şurası bu məsələdə böyük rol oynamalıdır. (Tass)