İraq hakimiyyəti Aİ və ABŞ-ı İrana qarşı təcavüzü və nüvə obyektlərinə zərbələri dayandırmaq üçün İsrailə təzyiq göstərməyə çağırır. Bunu İraq baş nazirinin milli təhlükəsizlik üzrə müşaviri Qasım əl-Araji Fransanın İraqdakı səfiri Patrik Durelle ilə görüşündə deyib.
“Avropa İttifaqı və beynəlxalq ictimaiyyətin, o cümlədən ABŞ-ın sionist quruma (yəni İsrail) İrana qarşı təcavüzü dayandırması və nüvə obyektlərinə zərbələrin qarşısının alınması üçün təzyiq göstərməsi vacibdir, çünki region və sülhü təhdid edə biləcək ciddi təhlükələr, eləcə də beynəlxalq qanun və normaların pozulmasına son qoyulsun”.
O, həmçinin qeyd edib ki, “İraq qonşu ölkəyə hücum üçün öz hava məkanından istifadə etməyi rədd edir”.
Görüşdə əl-Araji və Durel İsrail və İran arasında davam edən müharibə səbəbiylə eskalasiyanı və bunun region və dünya ölkələri üçün nəticələrini müzakirə ediblər. (Tass)