“Azərbaycan Respublikasının işğaldan azad edilmiş ərazilərinə Böyük Qayıdışa dair II Dövlət Proqramı”nın hazırlanması üzrə İşçi qrupun nəzdində alt işçi qruplar yaradılıb və tərkibi təsdiq edilib.
“Report” xəbər verir ki, bununla bağlı Baş nazir Əli Əsədov sərəncam imzalayıb.
Sərəncamla İşçi qrupun rəhbəri 2025-ci il oktyabrın 1-dək təqdim edilən təkliflərin İşçi qrupda müzakirəsini təşkil edərək Dövlət Proqramının ilkin icmal layihəsinin hazırlanması üçün Azərbaycan İqtisadiyyat Nazirliyinə göndərilməsini təmin etməlidir.
İqtisadiyyat Nazirliyi isə Dövlət Proqramının ilkin icmal layihəsini 2025-ci il noyabrın 1-dək İşçi qrupun rəhbərinə təqdim etməlidir.