İran bütün qonşu ölkələrlə dinc yanaşı yaşamağa inanır və dost olmayan dövlətlərin regionda nifaq salmaq cəhdlərinə birgə müqavimət göstərməyə ümid edir. Bunu İran xalqına müraciətində İslam Respublikasının prezidenti Məsud Pezeşkian deyib.
“Mən həmçinin qonşu ölkələrə və bütün regiona bəyan edirəm ki, biz Yaxın Şərqdə dinc birgəyaşayış və sabitliyə dərindən inanırıq və İranın nüfuzu və müdafiə qüdrəti həmişə müsəlman qardaşlar və tarixi qonşular arasında sülh və dostluğa xidmət edib və xidmət edəcək. Bizim ümumi müdrikliyimiz və tədbirliliyimiz aramızda nifaq salmaq istəyən düşmənlərin planlarını alt-üst edəcək”, – deyə prezident vurğulayıb.