İranın nüvə proqramı üzrə Birgə Hərtərəfli Fəaliyyət Planının (JCPOA) taleyi yaxın bir neçə həftə ərzində həll edilməlidir. Fransa prezidenti Emmanuel Makron NATO sammitindən sonra jurnalistlərə bildirib.
“Bir neçə həftədən sonra biz JCPOA çərçivəsinin hələ də mövcud olub-olmadığına qərar verməliyik. Formal olaraq plan hələ də mövcuddur, onun üçün son tarixlər hələ də davam edir, lakin bu yay qərar verilməlidir”, – Fransa lideri bildirib.
Onun sözlərinə görə, Qərb tərəfdaşları İranın nüvə problemi ilə bağlı diplomatik və texniki işi bərpa etməlidirlər. “MAQATE mühüm rol oynayacaq. ABŞ, Aİ və İran artıq bu məsələ ilə bağlı təmasdadır”, – prezident deyib.
Makron iyunun 25-də Yelisey sarayında MAQATE-nin baş direktoru Rafael Grossi ilə İranın nüvə proqramını müzakirə etməyi planlaşdırır. (Tass)