Türkiyə prezidenti Rəcəb Tayyib Ərdoğan Rusiyanın S-400 hava hücumundan müdafiə sistemlərinin tək başına ölkəsinin bütün hava hücumundan müdafiə ehtiyaclarını ödəməyə kifayət etməyəcəyini bildirib. O, bunu Şimali Atlantika Alyansının sammitinin keçirildiyi Haaqadan qayıtdıqdan sonra jurnalistlərə deyib.
“Hava hücumundan müdafiə sistemi S-400 ilə məhdudlaşmır. Bizim ictimai rəy də bunu son günlər [bölgədəki münaqişə ilə bağlı] aydın şəkildə dərk edib. Biz çoxsəviyyəli hava hücumundan müdafiə sistemi kompleksi yaratmalıyıq. Raketlərin müxtəlif hündürlüklərdə (fəaliyyət göstərməsi) və onların ahənglə işləməsi çox vacibdir”, – deyə Ərdoğan bildirib.
O qeyd edib ki, Türkiyə raket imkanlarında ciddi irəliləyiş əldə edib, lakin bu, kifayət deyil. “Biz vahid sistem olan Polad Qübbə qururuq. Fərqli hündürlükdə olan hava hücumundan müdafiə sistemlərini, sensorları, özümüz hazırladığımız elektron döyüş sistemlərini birləşdiririk”, – Ərdoğan bildirib. (Tass)