Ynet portalı xəbər verir ki, hakimlər İsrailin baş naziri Benyamin Netanyahunun müdafiəsinin baş nazirin iki həftə müddətinə korrupsiya məhkəməsində ifadə verməkdən azad edilməsi barədə vəsatətini rədd ediblər.
Bir gün əvvəl baş nazirin vəkilləri İranla son gərginlik və “digər regional hadisələr” fonunda hökumət başçısının bütün vaxtını Qəzza zolağındakı müharibə və orada saxlanılan girovların azad edilməsi problemi də daxil olmaqla, siyasi və təhlükəsizlik sferasında məsələlərin həllinə həsr etməli olduğunu izah edərək, ifadənin təxirə salınmasını istəyib.
Hakimlər vəsatətə baxdıqdan sonra təqdim olunan dəlilləri inandırıcı olmayan hesab ediblər. Ynet İsrail Ali Məhkəməsindən sitat gətirir: “Mövcud formada təxirə salınma tələbində şahid dinləmələrinin ləğvinə haqq qazandıra biləcək əsaslandırma və ya ətraflı izahat yoxdur”.
21 noyabr 2019-cu ildə İsrailin baş prokuroru Netanyahunu üç iş üzrə rüşvətxorluq, fırıldaqçılıq və etibardan sui-istifadə ittihamları ilə ittiham etmək qərarını açıqlayıb. Baş nazir ona qarşı irəli sürülən bütün ittihamları dəfələrlə rədd edib. İttihamnamələr 28 yanvar 2020-ci ildə Qüds Rayon Məhkəməsinə təqdim edilib. (Tass)