Rusiya Cənubi Qafqazda davamlı sülhün və təhlükəsizliyin qorunmasında maraqlıdır; regionun açıq geosiyasi qarşıdurma meydanına çevrilməsinin qarşısını almaq vacibdir. Bunu Rusiya Xarici İşlər Nazirliyinin MDB ölkələri üzrə 4-cü departamentinin direktor müavini Dmitri Masyuk deyib.
“Rusiya Cənubi Qafqazda davamlı sülh və təhlükəsizliyin qorunub saxlanmasında maraqlıdır”, – o, “Maşuk” bilik mərkəzində Qorçakov Fondunun “Qafqaz dialoqu” elmi-maarifləndirici proqramının açılışında deyib.
“Bizim üçün Cənubi Qafqazın açıq geosiyasi qarşıdurma meydanına çevrilməsinin qarşısını almaq vacibdir”, – diplomat vurğulayıb.
Onun sözlərinə görə, Rusiya Federasiyası “bölgənin bütün ölkələri ilə dostluq və mehriban qonşuluq prinsipləri, habelə ənənəvi mənəvi-əxlaqi dəyərlər və ümumi tarixi keçmiş əsasında bərabərhüquqlu münasibətləri inkişaf etdirməyi hədəfləyir”.