Fransa prezidenti Emmanuel Makron İran məsələsində rusiyalı həmkarı Vladimir Putinlə əlaqə saxlamağı vacib hesab edir.
“Mən ona (Putin – TASS qeydi) ilk növbədə İran məsələsini və Nüvə Silahlarının Yayılmaması Müqavilənin qorunub saxlanmasının zəruriliyini müzakirə etmək üçün zəng etdim. O, kömək etməyə hazır olduğunu bildirdi. Bu razılığın əldə edilməsi çox vacib idi, çünki sabitliyin təmin olunmasında Fransa da məsuliyyət daşıyır”, – Makron jurnalistlərə bildirib, çıxışı BFMTV kanalı tərəfindən yayımlanıb.
İyulun 1-də Rusiya və Fransa prezidentləri təxminən üç ildən sonra ilk dəfə telefonla danışıblar. Həm Kreml, həm də Yelisey Sarayı söhbəti mənalı adlandırıb. İki ölkənin liderləri 2022-ci ilin sentyabrına qədər daimi əlaqədə olublar, lakin sonradan telefon danışıqları dayandırılıb.